Poesia Sant’Antonio da Padova

Nò el mà dito
varda che s’en tolto stà decision
lè parchè savemo
come l’è la situasion

L’era tuto struconà
con la facia soferente
el fasea depecà
al cospeto dela gente

Fin che mì el contemplaa
ò sentio nà voceta
l’era el Santo che parlaa
el fasea nà predicheta

Ti nò te mè conossi mia
quando mì son vegnuo quà
te seri nà star via
massa ani iè passà

Dala Ciesa Vecia
con Don Carlo son rivà
e me parea de stranio
de no vedar el mè Squarà

In sti ani ben son stà
gnente no i mà fato mai mancar
tanti lumini i mà impissa
ma a casa voria tornar

Me santo vecio
e pien de malani
aiutame a passar ben
i mè ultimi ani

El buteleto ch’el gavea in brasso
el mà guardà nei oci
disendome, no vedito
che ghe cede anca i zenoci

Mi che dall’alto
vedo la situasion
gò tanta paura
de far un rebalton

Sti fati ma copà
ò ciamà quei de là contrà
gò dito el da far
sensa in malora dover nar

Mì pensaria
de far un bel pranseto
e vedarì che quei che vien
i tira fora qualche scheeto

Intanto noialtri serchemo el Santo
e secondo la mè impression
sensa far fadiga
risolven la situasion

A catarlo en tribulà
parchè l’era un pò costoso
nonostante che nel mondo
el sia el Santo più famoso

El vien da Palermo
el gà du oci bei
l’altessa lè giusta
el costa pochi schei

Subito le stà ordinà
in setimana le arivà
quel vecio le stà levà
quel novo le stà montà

Dal Pipa in trenta
sen stè in alegria
passando do orete
in bona compagnia