Memorie del Carnevale Montoriese. 
AVIS MONTORIO presente da sempre!!!

DAI DAI DAI

EL MAGNARON

SE VEGNI’ QUA, VE CONTO NA STORIA

DE UN PAESE PICOLO CO UN PO’ DE GLORIA.

STA GLORIA L’ARIVA DA UN VECIO CASTEL

E DA FOSI DE AQUA CHE I PAR UN CIEL.

SOTO LA LOSA E IN MESO A LE GRESE

GHERA NA OLTA, SCONTO, UN PICOLO PESSE

CHE A BEN VARDARLO NO L’E’ UN GRAN CHE

MA L’E’ FAMOSO E VE DIGO EL PARCHE’.

I BUTELETI, DESCALSI E CONTENTI,

DENTRO NEI FOSI I BATEA I DENTI

PAR INFRINCIAR COL VECIO PIRON

EL PICOLO PESSE, EL MAGNARON.

FRITO IN PADELA E MAGNA’ CALDIN

NO GHERA CONFRONTI, GNANCA COL CODEGHIN.

E LA NOTISIA DE STA BONTA’

L’E’ CORSA VELOCE FINO IN CITA’.

TUTI I VEGNEA SUL PONTE TRIVELIN

A MAGNAR EL PESSE CO UN GOTO DE VIN.

MA UN BRUTO GIORNO E SENSA DIR GNENTE

– EL MAGNARON NOL GHE PIU’!- LA DISE LA GENTE.

ELA LA SUTA O LE RUSPE AVANTI E INDRIO…

STA DE FATO CHE EL MAGNARON L’E’ SPARIO!

PAR CONSOLARSE I MONTORIESI IA’ DITO:

-FENSE LA MASCARA DEL PESSE FRITO!

ECOLO QUA, BELO, VESTIO

EL NOSTRO SIMBOLO, EL PESSE ROSTIO!

IE’ LE GLORIE DEL NOSTRO PAESETO:

NA MASCARA E EL RICORDO DE UN PESSETO…

DA STA BELA STORIETA GHE DA IMPARAR:

L’AQUA E I FOSSI BISON RISPETAR.

TEGNENSE DA CONTO ST’AQUA CHE GHEN

SE LA SCORE NETA, L’E’ UN VERO BEN.

SERCHEN TUTI, ALORA, PAR QUEL CHE PODEMO

DE RENDAR MONTORIO, BELO, COME LO VOLEMO.  

NADIA

Link: Storia del Carnevale